حياه اسريه والامشكلات اسريه والاضيقه اسريه
كان فيما مضى عندنا قسم بالمنتدى اسمه الحياه الاسريه
لكنه اصار بقايا
طغت عليه مواضيع لاتمت للحياه الاسريه بصله
خذوا لفه بالقسم وقولوا لي
كم موضوع فيها مهم ويتكلم عن الحياه الزوجيه
وكم مشكله زوجيه مهمه وتحتاج اعانه
وكم موضوع ماله هدف
وكم موضوع مدري ويش اقدر اسميه
صرنا نفتقد المواضيع القيمه
وبمعنى اصح فيه مواضيع بس ماعاداحديلتفت لها
وصارت تروح بين الصفحات ومااحد درى عنها
وهي متعوبن عليها حيل
والله ااسف اذاقريت موضوع مميز رايح للصحفه الثالثه والاحتى السادسه ومااحد رد عليه
وين مواضيع زمان ويييييييين التثقيف وين المواضيع الهادفه
وين الاقلام المميزه
ماكنت ادخل القسم الا واطلع بافائده
اللحين ادخل واطلع واناصايبتني ضيققققققققه
ماالوم البنات يوم تعقدوا من الزواج
مالومهم والله
كنت قبل اقول لاختي تدخل المنتدى تستناس وتستفيد
اللحين والله ماودي تدخل اخاف تكره الزواج وتعقد\\\المشكله اني تهورت واقنعتها تسجل
والله رحمت بنات المنتدى
تعقدوا كرهوا الزواج صابهم اكتئاااااااااااب
كله من المشاكل اللي يقرون
لالالالالالالالاتفهموني غلط
انا مااقول لاتشتكون بس عالم فيه شي ينشكي وفيه شييء لا
موكل ماصار يبني وبين زوجي مشكله تناولت الكيبورد وهاتك ياموضوع جديد
وبعدين لو تلاحظون موكل المشاكل اللي تنكتب تخص الاعضاء
تعالو شوفوا بنت جيراننا
تعالوا شوفوا سلفتي
تعالواشوفوا اخت زوجي
صديق زوجي
ولانها مكتوبه من طرف واااااااااحد مال امه دخل بالقصه اكيد بتكون الحقيقه منقوووووصه لان فيها تفاصيل ماانذكرت
واتشوهت صورة الزواج بشكل موطبيعي
ينااااااااااااااس مافيه بيت خلا من المشاكل
حتى بيت المصطفى عليه افضل الصلاة والسلام
اختلف مع نسائه وهجرهن
مهوب عاد احنا وفي هذا الزمن
وفوق هذا كله ترى اصحاب المشكله الاساسيه ماطلبوا من احد فزعه
وكل هذا مجرد زيادة رصيد في المواضيع وعدد المشاركات للاعضاء
ووالله تدخلين هالمواضيع وتطلعين بدووووووون اي فائده
وفيه مشاكل تنكتب مالها داعي
متهاوشين على اسم والاعلى برنامج والاعلى خرجه والاعلى سفره
والله ردود الاعضاء ماتقدم ولاتاخر
تصدقون حتى المخطوباااااااااات فقدتهن
كااااااااااااااان لهن ملف يوسع الصدر
واللحين ان شفتي مخطوبه تلقينها تشكي الظاهر اعدوها المتزوجات
قل التميز اللي كان بالقسم
وراحت معاه الاقلام المميزه
سامحووووووووني لو زعلتكم
والله ماقصدت احدبعينه
بس مجرد خاطره وطلعت
اتمنى تتقبلوها بسعة صدر
وسلامة الطيبين
الأربعاء مايو 21, 2008 3:13 am
